Коом

Муниципалдык инспекцияга жана акимияттарга 17 кызматтык унаа тапшырылды

Ишкер Media

Муниципалдык инспекцияга жана акимияттарга 17 кызматтык унаа тапшырылды

Жаңы жыл алдында шаар мэри Айбек Джунушалиев Муниципалдык инспекцияга жана райондук администрацияларга жалпы 17 кызматтык унаа тапшырды. Бул тууралуу муниципалитеттен билдиришти.

Мэр кызматкерлерге 2025-жылы аткарылган иштер үчүн ыраазычылык билдирди. Анын айтымында, Муниципалдык инспекция айлана-чөйрөнү коргоо жана транспорт каражаттарын көзөмөлдөө боюнча жетиштүү натыйжа көрсөткөн. Мисалы, жай мезгилинде бардык транспорт каражаттары текшерилип, тыюу салынган заттарды колдонгон мончолор жана башка объектилер көзөмөлдөнгөн. Акыркы эки жылда салынган айып пулдардын суммасы 2023-жылга салыштырмалуу кыйла өскөн.

Айбек Джунушалиев инспекцияга жана акимияттарга мончолорду, социалдык объектилерди жана жылуулук менен камсыздалган мекемелерди текшерүүнү күчөтүүнү, айрыкча "Дордой" конушу жана чектеш аймактарда көзөмөлдү жогорулатууну тапшырды.

Мэр ошондой эле материалдык-техникалык базаны жаңылоону улантууну жана кызматтык техникаларды жеткирүүнү көзөмөлдөөнү убада кылды.

Жаңылыктар биздин Телеграмм каналда

Мындан тышкары окуңуз

Баткендеги Риштан кенинин запастары тууралуу расмий маалымат

Баткендеги Риштан кенинин запастары тууралуу расмий маалымат

Жаратылыш ресурстары, экология жана техникалык көзөмөл министрлигине караштуу Кыргыз геологиялык кызматы Баткен облусундагы Түндүк жана Түштүк Риштан газ-мунай кен жайларындагы запастар тууралуу расмий маалымат берди. Министрликтин маалыматына ылайык, Түндүк Риштан кен жайы Кадамжай районунун Кадамжай шаарынан 60 км түштүк-чыгышта жайгашкан. Кен жай 1954-жылдан тартып иштетилип, эксплуатация мезгилинде 46 скважина бургуланган.
ЕАЭБде каботаждык жүк ташуулар программасы 2026-жылы иштей баштайт

ЕАЭБде каботаждык жүк ташуулар программасы 2026-жылы иштей баштайт

ЕАЭБ өлкөлөрү үчүн каботаждык (жээк бойлой) жүк ташуулар программасы 2026-жылы толук кандуу иштей баштарын Евразия экономикалык комиссиясынын энергетика жана инфраструктура боюнча министри Арзыбек Кожошев2025-жыл жыйынтыкталып жатып билдирди. Буга улай ал транспорт тармагындагы жетишкендиктерге токтолду. Анын айтымында, транспорт тармагында санариптештирүү иштери уланып жатат. Жүктөрдү коопсуз бекитүү үчүн программалык камсыздоону иштеп чыгуу
Ноокатта 74 млн сомго жаңы мектеп курулду

Ноокатта 74 млн сомго жаңы мектеп курулду

Ош облусунун Ноокат районундагы Герейт Шорон жалпы билим берүүчү мектебинин курулушу толук аяктап, окуучулар жаңы имаратта билим ала баштады. 1956-жылы курулган эски мектеп имараты быйыл заманбап талаптарга жооп берген жаңы имаратка алмаштырылды. Бул тууралуу Курулуш, архитектура жана турак жай-коммуналдык чарба министрлигинен билдиришти. Мектептин курулушу республикалык бюджеттин эсебинен каржыланып, жалпы наркы
Алмазбек Атамбаев мамлекеттик сыйлыктарынан ажырады

Алмазбек Атамбаев мамлекеттик сыйлыктарынан ажырады

Президент Садыр Жапаров кол койгон Жарлыкка ылайык, Бишкек шаарынын Биринчи май райондук сотунун 2025-жылдын 3-июнундагы өкүмүн аткаруу үчүн, “КРнын мамлекеттик сыйлыктары, ардак наамдары жана мамлекеттик сый акылары жөнүндө” Мыйзамынын 27-беренесине, Конституциясынын 71-беренесине ылайык токтом кылынды. Ага ылайык, Атамбаев Алмазбек Шаршенович төмөнкү Кыргыз Республикасынын мамлекеттик сыйлыктарынан ажыратылды: 1) “Кыргыз Республикасынын Баатыры”