Соцфонд: Пенсиялык топтоо каражаттарын 226 миңден ашык адам алды
Кыргыз Республикасынын жарандары пенсиялык топтоо каражаттарын ар кандай кырдаалдарда пайдалана алышарын Социалдык фонд билдирди.
Аларга төмөнкүлөр кирет:
- Пенсия курагына жеткендерге төлөө – жеке эсептердеги каражаттар пенсия катары берилет.
- Чет өлкөдө туруктуу жашоо – өлкөдөн чыгып кеткен жарандар да топтомолорун ала алышат.
- Мураскорлор – каза болгон жарандын топтолгон каражаты мураскорлоруна төлөнөт.
- Аскер кызматкерлери – жаш курагына жеткенде жана эсептерде каражаты бар учурда пенсиялык топтоолорду алууга укуктуу.
- Ипотекалык насыя – турак жай сатып алууда же үлүштүк курулушто каражаттарды колдонууга мүмкүнчүлүк берилет.
- Жумушсуз жарандар – расмий түрдө жумушсуз деп катталган адамдар жашоо минимумун эске алуу менен топтомолорду ала алышат.
- Оор ооруларды дарылоо – оор дартка кабылган адамдар дарыланууну каржылоодо пенсиялык топтомо каражаттарын мөөнөтүнөн мурда ала алышат.
2025-жылдын 1-декабрына карата пенсиялык топтомо каражаттарын пайдаланган жарандардын статистикасы:
- Жалпы: 226 354 адам, 5 877,8 млн сом
- Пенсия курагына жеткендер: 199 750 адам, 3 100,8 млн сом
- Чет өлкөгө чыккандар: 4 524 адам, 254,0 млн сом
- Мураскорлор: 11 919 адам, 361,9 млн сом
- Аскер кызматкерлери: 998 адам, 11,7 млн сом
- Ипотекалык насыя алгандар: 8 666 адам, 1 931,5 млн сом
- Жумушсуздар: 316 адам, 6,0 млн сом
- Оор ооруларды дарылоо: 790 адам, 129,5 млн сом
Министрлик пенсиялык топтоо каражаттарын жарандардын ар кандай муктаждыктарына ылайык колдонууга аракет кылууда.
