Түп райондук прокуратурасы жаңы административдик имаратка ээ болду
Бүгүн, 29-декабрда Башкы прокурор Максат Асаналиев Ысык-Көл облусунун Түп районунун прокуратурасынын жаңы административдик имаратын салтанаттуу түрдө ачты.
Маалыматка ылайык, ачылыш аземинде Башкы прокурор жаңы имараттын пайдаланууга берилиши прокуратура органдарынын ишин уюштурууну жакшыртып, жарандардын кайрылууларын ыкчам жана натыйжалуу кароого, ошондой эле кызматкерлер үчүн тийиштүү эмгек шарттарын түзүүгө өбөлгө болорун белгиледи.
Маалыматка ылайык, Түп районунун прокуратурасынын кызматкерлери буга чейин 1970-жылы сактоо кассасы катары курулган, эксплуатациялык мөөнөтү өткөн имаратта иш жүргүзүп келишкен.
Жаңы административдик имараттын курулушу 2025-жылдын июль айында башталып, кыска мөөнөттө толук бүткөрүлдү. Натыйжада райондук прокуратура заманбап талаптарга жооп берген шарттуу жана ыңгайлуу имаратка ээ болду.
