УКМКнын “жалган” кызматкери кармалды
Алдамчылык фактысы боюнча козголгон кылмыш ишинин алкагында, КР УКМК кызматкерлеринин ар-намысына, кадыр-баркына жана ишкердик беделине шек келтирген фактыларды аныктоо жана бөгөт коюу боюнча ыкчам-иликтөө иш-чараларынын жүрүшүндө, КР жараны Б.К.Б. (КРнын Жаза аткаруу мамлекеттик кызматынын №21 мекемесинин мурдагы кызматкери) кармалып, убактылуу кармоочу жайга киргизилди.
Бул тууралуу УКМКнын басма сөз кызматынан кабарлашты.
Билдирүүгө караганда, аталган жаран өзүн КР УКМКнын кызматкери катары көрсөтүп, жарандарды кылмыш жоопкерчилигине тартуу менен ишкерлерди коркутуп, алардын ири суммадагы каражаттарын (26 300 АКШ доллары) тартып алган.
Ошол эле учурда, К.Б.К. социалдык жана ишкердик абалын маанилүү кылып көрсөтүү үчүн, өзүн КР УКМК төрагасынын, тагыраагы генерал-полковник К.К.Ташиевдин жардамчысы, ага түздөн-түз баш ийген адамы катары тааныштырып, ошондой эле анын уулу менен достук мамиледе экендигин айтып коркуткан.
Учурда тиешелүү тергөө-ыкчам иш-чаралар улантылууда.
КР УКМК Б.К.Б.нын аракеттеринен жабыр тарткан бардык жарандарды КР УКМКнын Чүй облусу боюнча башкармалыгынын нөөмөт кызматына кайрылууну суранат: 0312530301.
