Бишкекте Жаңы жыл түнү майрамдык салют атылабы?
Быйыл борбор калаада Жаңы жылга карата салют атылбайт. Бул тууралуу Бишкек мэриясынын басма сөз кызматы маалымдады.
Маалыматка ылайык, 31-декабрь күнү Бишкектеги борбордук "Ала-Тоо" аянтында кечки саат 18:00дөн тарта шаар тургундары жана коноктору үчүн ата мекендик артисттердин катышуусунда концерттик программа уюштурулат. Майрамдык иш-чара экологиялык талаптарды эске алуу менен фейерверксиз өтөт.
Белгилей кетсек, буга чейин Жаратылыш ресурстары, экология жана техникалык көзөмөл министрлиги айлана-чөйрөнү коргоо жана экологиялык коопсуздукту камсыз кылуу максатында жаңы жылдык салюттардан баш тартууга чакырган.
