Курулуш министрлиги быйыл кандай ири долбоорлорду ишке ашырды?
Курулуш министрлиги быйылкы жылдын жыйынтыгын чыгарып, өлкө боюнча бир катар ири долбоорлорду ишке ашырганын маалымдады.
Алардын катарына төмөнкүлөр кирет:
• "Манас" эл аралык аэропортундагы ири реконструкция иштери
• "Ош" эл аралык аэропортунун жаңы аэробекетинин курулушу
• Ысык-Көл облусунда курулуп жаткан «Ала-Тоо Resort» комплекси
• Таласта "Баластан" балдар оюн-зоок борбору
• Биринчи жолу "Манас Ордо" комплексинде ири реконструкциялык иштер жүргүзүлдү
Ошондой эле министрлик жарандарга кызмат көрсөтүүнү жакшыртуу жана курулуш тармагын оптималдаштыруу максатында бир катар реформаларды ишке ашырды:
• 2025-жылы Инженердик изилдөөлөр департаменти түзүлүп, мамлекеттик жөнгө салуу күчөтүлдү
• "Кыргызкурулуш" мамлекеттик ишканасынын филиалдары Талас жана Ош облустарында ачылып, аймактык долбоорлоо жана курулуш кызматтары кеңейди
• Республика боюнча архитектура башкармалыктары үчүн 16 административдик имараттын курулушу башталып, 5и пайдаланууга берилди
• Ош облусунда Жер титирөөгө туруктуу курулуш институтунун Түштүк филиалы, ал эми Чолпон-Атада Сертификаттоо борборунун филиалы ишке кирди
Мындан тышкары, бюрократиялык тоскоолдуктарды азайтуу максатында уруксат берүүчү документтерди алуу жөнөкөйлөштүрүлдү. Бул чаралар Президенттин мамлекеттик башкарууну дебюрократиялаштыруу саясатына шайкеш жүргүзүлдү.
Быйылкы жылдын жыйынтыгы көрсөткөндөй, министрлик ири инфраструктуралык долбоорлорду ийгиликтүү жүзөгө ашырып, курулуш тармагын өнүктүрүүгө олуттуу салым кошту, - деп айтылат маалыматта.
