Коом

Н.Орунтаев Кара-Суудагы архитектура башкармалыгынын жаңы имаратын ачты

Ишкер Media

Н.Орунтаев Кара-Суудагы архитектура башкармалыгынын жаңы имаратын ачты

Бүгүн, 30-декабрда Кара-Суу шаарында Курулуш, архитектура жана турак жай-коммуналдык чарба министрлигине караштуу Ош облусунун Шаар куруу жана архитектура башкармалыгынын жаңы административдик имараты пайдаланууга берилди. Бул тууралуу ведомстводон билдиришти.

Иш-чарага министр Нурдан Орунтаев, жергиликтүү мамлекеттик органдардын жетекчилери жана тармактын кызматкерлери катышты.

Курулуш министри куттуктоо сөзүн айтып, тармактын мыкты кызматкерлерине сыйлыктарды тапшырды.

Жаңы имараттын курулушу 2025-жылдын май айында башталып, заманбап стандарттарга ылайык бүткөрүлдү. Бул имарат кызматкерлер үчүн ыңгайлуу эмгек шарттарын камсыз кылып, жарандарга кызмат көрсөтүүнү жеткиликтүү жана ылдам кылат.

Эске салсак, буга чейин башкармалыктын өзүнчө имараты болбогондуктан, кызматкерлер 1951-жылы курулган эки кабаттуу турак үйдүн биринчи кабатында ижарада иштеп келишкен. Жаңы имарат кызматкерлердин жана жергиликтүү тургундардын күнүмдүк ишин жеңилдетип, тармактын ишмердүүлүгүнө жаңы дем берет.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”