Бишкек ЖЭБ күчөтүлгөн иштөө режимине өттү
Жаңы жыл майрамдарына байланыштуу Бишкек жылуулук электр борбору (ЖЭБ) күчөтүлгөн иштөө режимине өттү.
Бул тууралуу шаардык мэриядан кабарлашты. Билдирүүгө караганда, жылытуу жана электр энергиясы менен үзгүлтүксүз камсыздоо үчүн электр станциясынын авариялык бригадалары күнү-түнү даярдыкта турушат.
Жылуулук жана электр энергиясы менен үзгүлтүксүз камсыздоо үчүн негизги жана көмөкчү жабдууларды көзөмөлдөө күчөтүлдү, жооптуу адистер нөөмөткө коюлду жана тиешелүү кызматтар менен координациялоо камсыз кылынды.
Маалыматта Бишкек ЖЭБ электр станциясы кадимкидей иштеп жатканын жана майрам күндөрү борбор калааны туруктуу жана ишенимдүү электр энергиясы менен камсыздоо үчүн бардык зарыл чаралард көрүлө тургандыгы кабарланды.
