Бишкек шаарынын айрым көчөлөрү убактылуу жабылат
Бишкектеги Куликовская, Славянская жана Рыбинский көчөлөрүндө канализация куруу иштери жүрүп жатат. Ушуга байланыштуу, 2026-жылдын 4-январынан 5-январына чейин Буденный көчөсүнүн Жибек-Жолу проспектисинен ЧЧКга чейинки бөлүгү жол кыймылы үчүн убактылуу жабылат.
Шаардык мэриядан билдиргендей, аталган жердеги канализация куруу иштеринде, траншеянын орточо туурасы 1,2 метрди түзөт. Ишти Бишкек шаарынын мэриясынын Капиталдык курулуш башкармалыгы жүргүзүп жатат, ал эми подрядчы - «Агат КЖ-Строй» ЖЧКсы.
