Нарында жол кыймылынын коопсуздугу боюнча рейд өткөрүлдү
Бүгүн Жол кыймылынын коопсуздугун камсыздоо башкы башкармалыгынын жетекчиси Азенбек Козукеев Нарын облусундагы жол кыймылынын коопсуздугун камсыздоо бөлүмүнүн тескөөчүлөрүнүн ишин таң эртеден тарта текшерди.
Ведомствонун маалыматына ылайык, ал кызматтык унааларды жолго чыгаруу менен жол унаа кырсыктарынын алдын алуу боюнча профилактикалык иштерди күчөтүү тапшырмасын берди.
Ошондой эле айдоочуларды жолдо бири-бирин сыйлоого жана маданияттуулукка чакыруу, жол тайгак болгон учурларда эскертүү маалыматтарын берүү, мындан тышкары Бишкек – Нарын – Торугарт унаа жолунда чет өлкөлүк айдоочуларга түшүндүрүү иштерин жүргүзүү зарылдыгын белгиледи.
Жыйынтыгында башкармалыктын Нарын облусу боюнча башчысы Нурбек Салымбаевге аныкталган кемчиликтерди тез арада жоюп, багыттуу иш алып баруу тапшырылды.
