ЖК төргагасынын 2024-жылдагы кирешеси 3 млн 685 миң сом болгон
Жогорку Кеңештин VII жана VIII чакырылыштарынын Төрагасы Нурланбек Тургунбек уулунун 2024-жылдагы кирешеси 3 млн 685 миң 138 сомду, ал эми чыгымдары 1 млн 300 миң сомду түзгөн. Бул тууралуу маалымат Мамлекеттик салык кызматы анын декларациясына таянып билдирди.
Төраганын менчигинде:
- аянты 1 500 чарчы метрди түзгөн үй жанындагы жер тилкеси;
- аянты 96,6 чарчы метр болгон батир бар.
Ошондой эле жалпы баасы 6 млн сомду түзгөн жеңил унаалар, фургондор жана пикаптар көрсөтүлгөн.
Башка мүлктөрүнүн арасында:
- 2 млн 400 миң сомго бааланган жылкылар;
- 1 млн 100 миң сомго бааланган ири мүйүздүү мал;
- 1 млн 150 миң сомго бааланган майда мүйүздүү мал;
- 1 млн 350 миң сомго бааланган зер буюмдар;
- 2 млн 300 миң сомго бааланган башка түрдөгү кыймылдуу мүлк бар.
Төраганын туугандарынын менчигинде батирлер жана башка капиталдык курулуштар бар. Ошондой эле жеңил унаалар, фургондор жана пикаптар, зер буюмдар, эмерек жана тиричилик техникасы көрсөтүлгөн.
