Кыргыз спортчулары 2025-жылы 846 медаль утуп алышкан
2025-жылы Кыргызстандын спортчулары дүйнөлүк жана Азиялык мелдештерде олуттуу ийгиликтерге жетишип, жалпы 846 медаль жеңип алышканын Жогорку Кеңештин тиешелүү комитетинин жыйынында Дене тарбия жана спорт мамлекеттик агенттигинин директору Казыбек Молдажиев билдирди.
Анын маалыматына ылайык, жеке эсепте кыргызстандык спортчулар:
- 267 алтын,
- 234 күмүш,
- 345 коло медалга ээ болушкан.
Мындан тышкары, бир катар мелдештерде командалык эсепте да байгелүү орундар алынган.
Жыл ичинде:
- республикалык жана аймактык деңгээлде 166 спорттук иш-чара өткөрүлгөн;
- улуттук курама командалар 230 эл аралык мелдешке катышкан.
Спортчулардын даярдык деңгээлин жогорулатуу максатында 147 окуу-машыгуу жыйыны уюштурулуп, анын 37си эл аралык деңгээлде өткөрүлгөнүн Казыбек Молдажиев белгиледи.
