Кыргызстанда 5,5 миңден ашуун бош жумуш орундары бар
Эмгек, социалдык камсыздоо жана миграция министрлигинин маалыматына ылайык, 2026-жылдын 1-январына карата Кыргызстанда 5 547 бош вакансия катталган. Эң жогорку суроо-талап жумушчу кесиптерге байкалууда. Бул тууралуу ведомстводон билдиришти.
Учурда республика боюнча расмий жумушсуздуктун деңгээли 1,3%ды түзөт. Иш менен камсыз кылуу кызматтарында каттоодо турган жумушсуз жарандардын саны 56,5 миң адам, анын ичинен 38,1 миңи расмий жумушсуз катары катталган. 2025-жылы иш менен камсыз кылуу кызматтарынын көмөгү менен 17 454 жаран жумушка орноштурулган.
Министрликтин маалыматына ылайык, кызмат көрсөтүү тармагында 1 296 бош жумуш орду бар. Алардын ичинде:
- мектепке чейинки жана мектептик билим берүү уюмдарынын тарбиячылары – 350;
- медициналык кызматкерлер – 320;
- бухгалтерлер – 150;
- кассирлер – 151;
- менеджерлер – 95;
- администраторлор – 96;
- экономисттер – 40;
- мамлекеттик жана муниципалдык кызматкерлер – 36;
- юристтер – 24;
- сатуу агенттери – 63.
Ал эми жумушчу кесиптер боюнча 4 251 бош вакансия катталган. Анын ичинде:
- тигүүчүлөр – 1 850;
- айдоочулар – 1 000;
- ашпозчулар – 420;
- соода агенттери – 400;
- курулуш тармагынын кызматкерлери – 373;
- компьютердик адистер – 253;
- ширетүүчүлөр – 150;
- тейлөө тармагынын кызматкерлери – 178.
Улуттук статистика комитетинин маалыматына ылайык, орточо айлык маяна:
- финансы тармагында – 67 121 сом;
- өнөр жайда – 66 990 сом;
- транспортто – 58 657 сом;
- курулушта – 57 472 сом;
- соода-сатыкта – 47 125 сом;
- айыл чарбасында – 33 462 сом;
- кызмат көрсөтүү тармагында – 29 679 сом;
- саламаттыкты сактоо жана социалдык тейлөөдө – 28 082 сом;
- билим берүүдө – 27 054 сом;
- маданият тармагында – 24 861 сомду түзөт.
Жумушка орношуу мүмкүнчүлүктөрү тууралуу кененирээк маалыматты аймактык иш менен камсыз кылуу кызматтарынан алууга болот.
