Былтыр Кыргызстанда 19,5 миң тонна товардык балык өндүрүлгөн
Кыргызстанда 2025-жылы товардык балык өндүрүшү 19 508,85 тоннаны түздү. Бул көрсөткүч Балык өнөр-жайы комплекси департаменти менен келишимдик негизде иштеген балык чарба көлмөлөрүнүн эмгегинин натыйжасы. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Аймактар боюнча өндүрүштүн эң жогорку көрсөткүчү:
- Чүй облусу — 12 844,8 тонна
- Жалал-Абад облусу — 2 845,6 тонна
- Ысык-Көл облусу — 1 505,3 тонна
- Нарын облусу — 1 373,2 тонна
- Талас облусу — 533,45 тонна
- Ош облусу — 406,5 тонна
Өндүрүлгөн товардык балыктын негизги түрлөрү:
- Кубулжума жилингир (радужная форель) — 17 132,05 тонна
- Карп (сазан) — 813,2 тонна
- Башка түрлөр — 1 563,6 тонна
Адистердин айтымында, товардык балык өндүрүшүнүн өсүшү өлкөдө аквакультуранын туруктуу өнүгүп жатканын жана бардык аймактарда балык чарбачылыгы кеңейип жатканын көрсөтөт.
