Коом

Былтыр 935, быйыл 132 этникалык кыргыз "кайрылман" макамын алды

Ишкер Media

18 февр. 2026 16:41

Эмгек, социалдык камсыздоо жана миграция министрлиги маалымдагандай, 2025-жылы 935 этникалык кыргыз "кайрылман" макамын алган. Бул тууралуу ведомстводон билдиришти.

Алардын ичинен: Өзбекстандан — 66, Тажикстандан — 837, Кытайдан — 12, Россиядан — 9, Афганистандан — 10, башка өлкөлөрдөн — 1 адам.

"Кайрылман" макамы тарыхый мекенине кайтып келген этникалык кыргыздарга Кыргыз Республикасынын жарандыгын жөнөкөйлөштүрүлгөн тартипте алууга мүмкүнчүлүк берет. Макам атайын ведомстволор аралык комиссия тарабынан берилет жана эки айдын ичинде чечилет.

2026-жылдын январь айында дагы 132 адам "кайрылман" макамын алышты. Макам ээлери социалдык жөлөкпул, пенсия, медициналык кызмат, билим алуу жана ишке орношуу укугуна ээ. Мамлекеттик кепилдиктерге ылайык: 13 адам социалдык жөлөкпул алат, 19 адам пенсияга ээ, 5 адам жер тилкесине ээ болду, 263 адам медициналык кызмат алды, 373 адам мектепте окуйт, 63 адам жогорку окуу жайда билим алууда, 30 адам ишке орношуу боюнча кайрылган, алардын ичинен 11и жумушка орношту.

"Кайрылман" күбөлүгү үч жылга берилет. Бул мөөнөттө макам ээлери Кыргыз Республикасынын жарандыгына өтүү боюнча арыз менен кайрыла алышат. Басмырлоо же мыйзамсыз мамиле фактылары орун алганда, жарандар 1966 номери аркылуу министрликке кайрыла алышат. Чалуу бекер.

Мындан тышкары окуңуз

Жылдыз Асанакунова: Кыргызстанга австралиялык туристтер көп келүүдө

2020-2021-жылдарга чейин өлкөгө жылына 2-3 миллион гана турист келсе, бүгүнкү күндө бул көрсөткүч 13 миллионго жеткенин мамлекет башчысы Садыр Жапаров билдирген. Бүгүнкү күндө өлкө боюнча туризмдин абалы кандай? Анын мамлекеттин экономикасына кошкон салымы канчалык? Ушул өңдүү суроолорго жооп алуу үчүн "Ишкер медиа" сайты туризм боюнча

Бишкектеги Краснодар көчөсү оңдоп-түзөөдөн өткөрүлдү

13-августта Бишкек шаарынын Ленин районунда Краснодар көчөсүнүн капиталдык оңдоп-түзөөдөн кийинки ачылыш болду. Жаңыланган тилке Б. Алыкулов көчөсүнөн Тирасполь көчөсүнө чейинки аралыкты камтыйт. Бул тууралуу Бишкек шаардык мэриясынан билдиришти. Маалыматка ылайык, оңдоп-түзөөдөн өткөн жол тилкесинин узундугу 510 метрди түзөт. Капиталдык оңдоо иштерин “Су-4 Кара-Балта” ЖЧКсы подряддык

Ош шаарындагы Б.Осмонов көчөсү 15 күнгө жабылды

Ош шаарында 15-августтан 30-августка чейин Б. Осмонов көчөсүнүн Мукумий көчөсүнөн Достук айлампасына чейинки бөлүгү убактылуу жабылат. Ош шаардык мэриясы, Б. Осмонов көчөсүнөн Мукумий, А.Атаканов көчөлөрү аркылуу альтернативдүү жол аркылуу убактылуу каттоону өтүнөт. Ошондой эле Төлөнов көчөсүн оңдоп-түзөөгө байланыштуу Саргалчаев, Абжалов көчөлөрү 15-августтан тарта убактылуу жабылды.

Нарын – Баетов жолуна асфальт төшөлүүдө

Нарын облусунун Ак-Талаа районундагы Нарын –Баетов унаа жолунун 84 – 115-чакырым аралыгында курулуш иштери активдүү улантылууда. “Кыргызавтожол-Түндүк” ишканасынын маалыматына ылайык, жалпы узундугу 31 чакырымды түзгөн аталган тилкенин бүгүнкү күндө 25 чакырымына асфальттын экинчи катмары төшөлүп бүттү. Курулуш иштерин №1 Жол куруу башкармалыгы жүргүзүүдө. Учурда жолдун калган бөлүгүндө асфальт