Кыргызстандык жөө күлүктөр Азия чемпионатында экинчи орунду алышты
Кросс боюнча Кыргызстандын курама командасы Азия чемпионатында экинчи орунду алышты.
Дене тарбия жана спорт мамлекеттик агенттигинин маалыматына ылайык, 21-февралда жеңил атлетика боюнча КРнын улуттук курама командасы кросс боюнча 18th Asian Athletics Cross Country Championships Fukuoka 2026 аталышындагы мелдешке катышып, күмүш медаль багындырышкан. Мелдеш Япониянын Фукуока шаарында өткөн.
Курама командада жөө күлүктөр - Нурсултан Кенешбеков, Жусуп Сулайман уулу жана Тилекжан Жекшеналы уулу 10 чакырым аралыкта чуркап, күч сынашкан.
Биринчи орунду Япониянын курама командасы ээлесе, үчүнчү орунду Кытай Эл Республикасынын курама командасы камсыздай алган.
