Октябрь РИИБине алдамчылык менен батир саткан жаранды кармады
Октябрь РИИБине алдамчылык фактысы боюнча арыз түшкөнүн аталган башкармалык билдирди. Маалыматка ылайык, арыз ээси А.Г. (ишеним каттын негизинде аракеттенген) ачык акционердик коомдордун биринин башкармалыгынын төрагасы Т.Д.га карата чара көрүүнү суранган.
"Алдын ала маалыматтар боюнча, 2021-жылдын 15-январында ал ишенимге кирип, алдоо жолу менен Бишкек шаарындагы Токтоналиев көчөсүндө жайгашкан батирди үчүнчү жактарга сатып жиберген. Натыйжада жабырлануучу Р.Т.га 3 млн сомдон ашык материалдык зыян келтирилген", — деп айтылат билдирүүдө.
Бул факт боюнча Кылмыш-жаза кодексинин 209-беренеси ("Алдамчылык") менен кылмыш иши козголду.
Ыкчам-издөө иш-чараларынын жүрүшүндө 1989-жылы туулган А.М. кармалып, кылмышка тиешеси бар деп шектелүүдө. Ал Бишкек ШИИББинин убактылуу кармоочу жайына киргизилди. Тергөө аракеттери уланууда.
