Коом

2026–2027-жылдардын күз-кыш мезгилине даярдык башталды

Ишкер Media

2026–2027-жылдардын күз-кыш мезгилине даярдык башталды

Бишкек шаарында 2026–2027-жылдардын күз-кыш мезгилине даярдык алкагында электр тармактарын ири масштабда жаңылоо иштери башталды. Анын алкагында 2026-жылы 40 700 кмден ашык СИП-кабелди тартуу жана реконструкциялоо пландалып жаткандыгын Энергетика министрлигинен бидиришти.

Билдирүүгө караганда, долбоор март айынан ноябрга чейин жүргүзүлүп, шаардын негизги электр тармактарын камтымакчы. Иштер райондук электр тармактары боюнча бөлүштүрүлөт. Жаңылоо иштеринин алкагында эски электр линиялары алмаштырылып, заманбап изоляцияланган СИП-кабелдер тартылат. Мындан тышкары жаңы тирөөчтөр орнотулуп, учурдагы тармактар бекемделет, жаңы абоненттер кошулат жана жүктөм азайтылат.

Адистердин айтымында, СИП-кабелдерди колдонуу кыш мезгилинде электр тармактарынын ишенимдүүлүгүн жогорулатат. Алар кар жана муздун таасирин азайтып, кыска туташуулардын коркунучун алдын алууга жардам берет.

Долбоор ишке ашса, электр энергиясын берүү сапаты жогорулап, авариялардын саны кыскарып, жоготуулар азаят. Ошондой эле жаңы керектөөчүлөрдү туташтырууга кеңири мүмкүнчүлүк түзүлөт.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”