Коом

Бишкекте MedExpo Kyrgyzstan 2026 эл аралык медициналык көргөзмөсү старт алды

Ишкер Media

31 мар. 2026 16:35

Бүгүн, 31-мартта, Бишкек шаарында саламаттык сактоо тармагындагы эң ири иш-чаралардын бири — MedExpo Kyrgyzstan 2026 расмий түрдө ачылды. Иш-чарага медицина тармагынын өкүлдөрү, бизнес чөйрөсү жана мамлекеттик органдардын кызматкерлери катышууда.

Көргөзмөнүн ачылыш аземине Саламаттыкты сактоо министри Дамир Осмонов катышып, бул иш-чара заманбап технологияларды киргизүү жана эл аралык кызматташууну чыңдоо үчүн маанилүү аянтча экенин баса белгиледи.

Бул жылы көргөзмөгө Кыргызстан, Россия, Кытай, Беларусь, Казакстан, Өзбекстан, Түштүк Корея, Польша, Латвия жана Пакистан сыяктуу 10 өлкөдөн 90дон ашык компания катышууда.

Экспозицияда медициналык жабдуулар, лабораториялык диагностика жана санариптик технологиялар боюнча акыркы жетишкендиктер сунушталды. Көргөзмөнүн алкагында Беларус, Кытай, Пакистан, Россия жана Өзбекстандын улуттук стенддерине өзгөчө көңүл бурулуп, тармактагы ири өндүрүүчүлөрдүн продукциялары көрсөтүлүүдө.

Мындан тышкары, эл аралык эксперттердин катышуусунда ишкердик программа уюштурулуп, анда медициналык мекемелерди башкаруу жана санариптик чечимдерди киргизүү маселелери талкууланмакчы.

👉🏻

MedExpo Kyrgyzstan көргөзмөсү - 2005-жылдан бери өткөрүлүп келет жана саламаттык сактоо тармагындагы негизги профессионалдык аянтчалардын бири болуп саналат. Көргөзмө Бишкектеги КМДТжСА манежинде 2-апрелге чейин уланат.

Мындан тышкары окуңуз

Бишкекте Ауэзов көчөсүнүн бир бөлүгү убактылуу жабылат

Бишкек шаарында 2026-жылдын 1-апрелинен тартып Ауэзов көчөсүнүн бир бөлүгү убактылуу жабылат. Мэриянын маалыматына ылайык, Салиева көчөсүнөн Жибек Жолу проспектисине чейинки тилке жолду оңдоо жана кеңейтүү иштерине байланыштуу жабылат. Долбоордун алкагында жолду кеңейтүү, жаңы тротуарларды куруу, сугаруу системасын орнотуу жана эки катмар асфальт төшөө каралган. Бул иштер жолдун өткөрүү жөндөмдүүлүгүн жогорулатууга,

Россиядан ЕАЭБ өлкөлөрүнө ири суммадагы акчаны кайсыл аэропорттор аркылуу алып чыгууга болот?

Россиядан Евразиялык экономикалык биримдикке (ЕАЭБ) кирген өлкөлөргө 100 миң доллардан ашык өлчөмдөгү накталай рублдарды 17 аэропорт аркылуу гана алып чыгууга уруксат берилерин Россия Каржы министрлигине шилтеме берүү менен "РосбизнесКонсалтинг" маалымдады. Накталай акчаны алып чыгууга уруксат берилген аэропорттордун катарына Москванын негизги авиа түйүндөрү — Внуково, Домодедово, Шереметьево, ошондой эле Храброво

“Социалдык контракт”: 48 миңден ашык үй-бүлөгө колдоо көрсөтүлдү

Кыргызстанда жакыр жана аз камсыз болгон үй-бүлөлөрдү колдоого багытталган “Социалдык контракттын негизинде социалдык жардам көрсөтүү” программасы ийгиликтүү ишке ашууда. Бул тууралуу Эмгек, социалдык камсыздоо жана миграция министрлигинен билдиришти. Бул демилге 2022-жылдан бери иштеп келет. Анын негизги максаты — жарандардын жашоо-шартын жакшыртуу жана өз алдынча иш менен камсыз болушуна шарт түзүү. Маалыматка

"Түндүк" ААК Президенттин иш башкармалыгынын карамагына өткөрүлдү

"Түндүк" ачык акционердик коому Санариптик өнүктүрүү министрлигинин карамагынан чыгарылып, Президенттин иш башкармалыгынын карамагына өткөрүлдү. Тиешелүү жарлыкка Садыр Жапаров кол коюп, ал "Эркин-Тоо" мамлекеттик гезитине жарыяланды. Жарлыкта "Түндүк" ААКтын ишмердүүлүгүнүн натыйжалуулугун жогорулатуу максатында, Кыргыз Республикасынын Конституциясынын 66, 70 жана 71-беренелерине ылайык, Министрлер кабинетинин ыйгарым укуктарын