Коом

Жогорку Кеңеште мал оорулары жана ветеринария маселеси көтөрүлдү

Ишкер Media

02 апр. 2026 13:08

Бүгүн Кыргыз Республикасынын Жогорку Кеңешинин жыйынында Укук бузуулар жөнүндө кодекске өзгөртүү киргизүү тууралуу мыйзам долбоору экинчи окууда кабыл алынды. Аталган мыйзамды талкуулоо учурунда эл өкүлдөрү мал ооруларынын көбөйүшү жана ветеринардык кызматтардын жетишсиздиги маселесин көтөрүп чыгышты.

КРнын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциясынын директорунун орун басары Кумарбек Исаков учурда мал оорулары көбөйүп, мутацияланып жатканын белгиледи.

Адистин айтымында, азыр 75 түрдүү оору аныкталган, алардын ичинен тогузу боюнча мамлекет тарабынан каржыланып, малчыларды бекер дары менен камсыздоо жана вакциналоо ишке ашырылууда.

“Азыркы тапта вакцина келген, жер-жерлерге таркатылып берилди. Дагы бир оорунун күмөн санап жаткандыктан кошумча дагы 1 вакцина алууга туура келип жатат. Лабараториядан тастыктоо чыга электигине байланыштуу кээ бир ооруларды ачык айтууга азыр мүмкүн эмес” - деди Кумарбек Исаков.

Ошол эле учурда депутат Кубанычбек Самаков ветеринардык кызматтардын ишине сын пикирин айтып, вакциналар айыл жергесине жетпей, мал оорулары күчөп кеткенин билдирди.

"Айылда малдын баары ооруп бүтүп, өзүнөн-өзү айыгып жатат. Эмне үчүн ошол оорулардын типтерин жана вакцинасын эртерек таап бербейсиздер? Элдер силердин дарыңарды эмес көрүнгөн антибиотиктерди сайып, эптеп керосин, солярка менен мурдун жууп, айыктырып жатышат. Анын кесепети сүтүнө өтүп, анализинен ар кандай антибиотиктер чыгып жатат. Эртең бул мамлекеттик коопсуздукка да шек келтирчү нерсе"– деп билдирди Самаков.

Депутат ошондой эле жыл сайын дары-дармекке бөлүнгөн 500 млн сом каражаттын натыйжалуулугу тууралуу кызыкты эле, Кумарбек Исаков бул каражат толук өздөштүрүлөөрүн билдирди. Бирок, Самаков бул пикирге макул болбой, жер-жерлерде мамлекеттик дарылар жетишсиз колдонулуп жатканын белгиледи.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”