Ак-Талаа району жүгөрү айдоону кайра жандандырууда
Нарын облусунун Ак-Талаа районунда жазгы талаа иштери кызуу жүрүүдө. Район аймагында жалпысынан 15216,5 гектар айдоо жери бар. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, жалпы айдоо аянтынын ичинен буудай 2208 га, арпа 3025 га, сулу 8 га, сафлор 129,5 га, жүгөрү 7 га, картошка 198 га, жашылча 70 га, көп жылдык чөп 10317 га айдоо пландалууда.
Эске салсак, Ак-Талаа районунда дээрлик 30 жылдан бери жүгөрү айдалбай калган. Акыркы 2 жыл ичинде жүгөрү айдоо кайрадан жанданууда.
