Коом

Жалал-Абадда селдин кесепеттерин жоюу жана алдын алуу иштери жүрүп жатат

Ишкер Media

03 мая 2026 10:20

1–6-май күндөрүнө карата күтүлүп жаткан туруксуз аба ырайына байланыштуу сел коркунучун алдын алуу максатында Жалал-Абад облусундагы ыйгарым укуктуу өкүлү Тилек Текебаев райондук жана шаардык жарандык коргонуу кызматтарынын жетекчилери менен жыйын өткөрдү.

Облус башчысы тиешелүү кызматтарга аймактагы кооптуу тилкелерди 48 сааттын ичинде кайрадан текшерип чыгып, тобокелчиликтерди так аныктоо жана ыкчам чараларды көрүү боюнча тапшырмаларды берди.

Расмий өкүл - буга чейин сел каналдарын тазалоо, коргонуу жумуштарын жүргүзүү жана даярдык чараларын камсыздоо үчүн керектүү акча каражаттары бөлүнгөнүн айтты. Ага карабастан, тийиштүү жумуштарды сапатсыз аткарган жетекчилерге атайын чара көрүлөрүн белгиледи.

Ошондой эле сел каналдарын жана дарыя жээктерин тазалоо, таштандылардан арылтуу, мыйзамсыз тосмолорду алуу иштерин ыкчам жүргүзүүнү, ар бир аткарылган иш боюнча видео жана фото отчет берүү, техникаларды толук даяр абалда кармоо, 24 саат бою иш алып баруучу ыкчам топторду түзүү жана эвакуациялык пландарды тактап, даяр абалда туруу тапшырмаларын берди.

Мындан сырткары, 30-апрелде Манас шаарында катталган сел кырсыгынын келип чыгуу себеби, анын кесепеттерин жоюу жана мындан аркы алдын алуу иштерин күчөтүү боюнча кошумча тапшырмаларды койду.

Учурда селдин кесепеттерин жоюу иштерине Кыргыз Республикасынын Өзгөчө кырдаалдар министрлигинин Жалал-Абад облусу боюнча башкармалыгынын өкүлдөрү жана тиешелүү кызматтар тартылып, тазалоо жана калыбына келтирүү иштери жүргүзүлүүдө.

Мындан тышкары окуңуз

Манас аба майданынан Манас айылына чейинки жол жабылат

“Манас” аба майданынын аймагындагы жол инфраструктурасын оңдоп-түзөөнүн биринчи этабынын алкагында 23-июндан 1-июлга чейин узундугу 8 чакырым болгон тилкеде – “Манас” аба майданынан Манас айылына чейин автотранспорт каражаттарынын кыймылы убактылуу чектелет. Бишкек шаардык мэриясынын басма сөз кызматынын маалыматына ылайык, чектөөлөр жол кыймылынын коопсуздугун камсыз кылуу, ошондой эле оңдоп-түзөө

Эл аралык уюмдар Кыргызстандын суу тармагына 172 млн доллар бөлөт

Эл аралык каржы уюмдары жана өнүктүрүү боюнча өнөктөштөр Кыргызстандын сугат тутумун жаңылоо үчүн жалпысынан 172 миллион доллар бөлөт. Бул тууралуу "The Times of Central Asia" басылмасы жазды. Маалыматка ылайык, каражат өлкөдөгү сугат каналдарын жана ирригациясын жакшыртууга багытталат. Долбоор суу ресурстарын натыйжалуу пайдаланууга, дыйкандарды сугат суу менен туруктуу камсыз

Садыр Жапаров иш сапары менен Нарын облусуна барат

Президент Садыр Жапаров 23-июнда, Нарын облусуна иш сапар менен барат. Бул тууралуу президенттин басма сөз катчысы Аскат Алагөзов билдирди. Маалыматка ылайык, Мамлекет башчысы аймактын тургундары менен жолугушуп, ири инфраструктуралык, турак жай жана социалдык долбоорлордун ишке ашырылышы менен таанышмакчы. Мындан тышкары, Президент жергиликтүү бийлик органдарынын жетекчилеринин Нарын облусунун учурдагы социалдык-

Ак-Кудук айыл өкмөтүнө 68 миң сом айып пул салынды

Чүй облусунун Ысык-Ата районуна караштуу Ак-Кудук айыл өкмөтүндө мыйзамсыз таштанды талаасы аныкталып, 68 миң сом өлчөмүндө айып пул салынды. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди. Жооптуу тарапка аныкталган мыйзам бузууларды жоюу боюнча эскертүү баракчасы тапшырылып, тиешелүү талаптарды белгиленген мөөнөттө аткаруу милдеттендирилди.