Ысык-Көлдөн 600 метрге жеткен эски балык уулоочу торлор чыгарылды
Ысык-Көлдөн узундугу 600 метрге жеткен эски балык уулоочу торлор чыгарылды. Бул тууралуу Өзгөчө кырдаалдар министрлиги билдирди.
Маалыматка ылайык, 10-май күнү көлдү тазалоо иштеринин алкагында суучулдар Түп районунун Күрмөнтү айылынын тушунан эски торлорду алып чыгышкан.
Министрликтин маалыматына караганда, Ысык-Көл акыркы төрт жылдан бери таштандыдан жана балык уулоочу торлордон тазаланып келет.
Адистердин айтымында, мындай иштер көлдүн экологиясын сактоого жана суу алдындагы жаратылышты коргоого багытталган.
