Коом

Таласта 78% жазгы-талаа иштери бүткөрүлдү

Сапар Акунбеков

14 мая 2026 16:11

14-майда Суу ресурстары, айыл чарба жана кайра иштетүү өнөр-жайы министрлигинде азык-түлүк коопсуздугунун абалы жана айдап-себүү иштери боюнча жыйналыш өттү. Бул тууралуу аталган министрликтин басма сөз кызматы билдирди.

Маалыматка караганда, бул ирет Талас облусундагы азык-түлүк менен камсыздоонун жана жазгы-талаа иштеринин жүрүшү талкууланды. Облус боюнча жазгы-талаа иштерине даярдык бекитилген планга ылайык уюштурулууда. Учурда негизги агротехникалык иштер активдүү жүрүп жатканы белгиленди.

Облустун жалпы айдоо аянты 109,2 миң гектарды түзөт. 14-майга карата себүү иштери 78,1%ы (65,3 миң га) аткарылды.

Дан эгиндери, тоют өсүмдүктөрү, картошка-жашылча, техникалык өсүмдүктөр жана чанактуу өсүмдүктөр боюнча иш-чаралар планга ылайык жүрүүдө. Күйүүчү-майлоочу материалдар жана жер семирткичтер менен камсыздоо улантылууда. Дыйкандар дизель отунун жеңилдетилген баада алууда. Минералдык жер семирткичтерди жеткирүү да этап-этабы менен жүргүзүлүүдө.

Ошол эле учурда аймакта бир катар көйгөйлөр белгиленди: сугат суусунун жетишсиздиги, жер семирткичтердин кымбаттыгы, финансы тартыштыгы жана зыянкечтер менен ар түрдүү илдеттердин жайылуу коркунучу. Бүгүнкү күндө республика боюнча жазгы-талаа иштери кызуу улантылууда. Жалпы 609,1 миң гектар жер айдалып, белгиленген пландын 48,7 пайызы аткарылды. Бул көрсөткүч өткөн жылдын ушул мезгилине салыштырмалуу 73,9 миң гектарга көп.

Мындан тышкары окуңуз

Нарында 100 орундуу бала бакча курулууда

Курулуш министрлиги тарабынан Нарын шаарына 100 орундуу бала бакча курулууда. Бул тууралуу аталган министрликтин басма сөз кызматы билдирди. Маалыматка караганда, объекттин курулушу республикалык бюджеттин эсебинен каржыланып, наркы 108 миллион сомду түзөт. Башкы планга ылайык, жалпы аянты 1027 чарчы метрди түзгөн эки кабаттуу заманбап имарат салынат. Курулуш иштери белгиленген график боюнча

Эрлист Акунбеков этти кайра иштетүүчү ишканалардын өкүлдөрү менен жолукту

13-майда МинКаб Төрагасынын орун басары Эрлист Акунбеков ата мекендик этти кайра иштетүүчү ишканалардын өкүлдөрү менен жолугушуу өткөрдү. Бул тууралуу Айыл чарба министрлигинин басма сөз катчысы билдирди. Маалыматка караганда, жолугушууда этти кайра иштетүү тармагындагы учурдагы көйгөйлөр, ишканаларды чийки зат менен камсыздоо, ата мекендик өндүрүштү колдоо, бааларды турукташтыруу, азык-түлүк жана ветеринардык коопсуздукту

ШКУнун жаштар санарип форумуна катышуучуларды кабыл алуу башталды

4–5-июнь күндөрү Бишкек шаарында Шанхай кызматташтык уюмунун Жаштар санарип форуму болуп өтөт. Бул тууралуу Маданият, маалымат жана жаштар саясаты министрлигинен кабарлашты. Маалыматка ылайык, форум жаштардын санариптик технологиялар, инновациялар жана эл аралык кызматташтык жаатындагы демилгелерин колдоого, тажрыйба алмашууга жана жаңы мүмкүнчүлүктөрдү түзүүгө багытталган. Башкы максаты - жаштардын потенциалын жогорку технологиялар

JICAнын колдоосу менен Кыргызстанда 30дан ашык долбоор ишке ашты

14-майда Транспорт жана коммуникациялар министри Талантбек Солтобаев Япониянын Эл аралык кызматташтык агенттигинин Кыргызстандагы Туруктуу өкүлү Котаро Нишигата менен жолугушту. Бул тууралуу аталган министрликтин басма сөз кызматы билдирди. Жолугушуунун жүрүшүндө министрлик менен JICA ортосундагы кызматташтыкты кеңейтүү маселелери талкууланды. Т.Солтобаев Кыргызстандын жол-транспорттук инфраструктурасын жакшыртууга көрсөткөн колдоосу үчүн Япония өкмөтүнө жана JICA