Бишкектиктер электр чыгырыктарга каршы, ал эми шаар башысынын ою кандай?

Бишкек мэриясы менен жергиликтүү тургундардын жолугушуусундагы көп кездешкен маселелердин бири - электр чыгырыктары (самокаттар) тууралуу болуп жатат. Тургундар “а” чекитинен,  “б” чекитине жеткенче бир нече жолу чоочуп кетүү сезимине, кээде женил же оор кагылышууларга калып жаткандыгын билдиришип, нааразыланышууда.

 Шаар башчы, тургундардын оюна кошулаарын билдирип, бирок, самокаттарга толугу менен тыюу салуу туура эмес чечим экенин белгилеп жатат.

Анын айтымында, самокат жана башка жеке мобилдүүлүк каражаттары үчүн шаарда тийиштүү инфраструктура каралган эмес. Азыр алардын ылдамдыгын 15 км/саатка чейин чектөө пландалууда.  Эгер самокат колдонгондордун баары жеңил унаага отуруп алышса, шаардагы тыгын мындан дагы көбөйүшү күтүлөт.

Ал эми сунушталып жаткан жаңы эрежелердин аткарылышын көзөмөлдөө үчүн мэрия Патрулдук милиция башкармалыгына рейддерди күчөтүүнү сунуштап жатат.