Мыйзамсыз уюлдук телефон алып келе жаткандар кармалды
УКМК жана Чек ара кызматынын кызматкерлери менен биргеликте “Акжол” көзөмөл” өткөрүү пункту аркылуу Кыргызстандын аймагына кымбат баалуу уюлдук телефондорду мыйзамсыз алып кирүү каналын токтотту. Бул тууралуу УКМКдан билдиришти.
Маалыматка караганда, бул факты боюнча Кыргыз Республикасынын Кылмыш-жаза кодексинин 231-беренесинин 1-бөлүгүндө («Экономикалык контрабанда») жана 242-беренесинин 1-бөлүгүндө («Салыктарды жана бюджетке башка милдеттүү төлөмдөрдү төлөөдөн качуу») каралган кылмыш белгилери боюнча кылмыш иши козголду.
Учурда бул ишке тиешеси бар бардык адамдарды жана жагдайларды аныктоого багытталган зарыл болгон тергөө-ыкчам иш-чаралар жүргүзүлүүдө.
