Нарында 46 жылдан бери оңдолбогон бала бакча жасалууда
Нарында курулганына 46 жыл болгон бала бакча капиталдык оңдоп-түзөөдөн өтүүдө. Бул тууралуу облустун өкүлчүлүгүнөн ырасташты.
Маалыматка караганда, Нарын шаарындагы №17 “Ынтымак” балдар бакчасынын имараты капиталдык ремонтуна 16 миллион 892 миң сом бөлүнгөн.
Долбоор алкагында бала бакчанын чатыры толук жаңыртылып, ички шыбагы, электр зымдарын алмашуу жана монтаждоо, айланасына брусчатка төшөө жумуштары аткарылат. Учурда бакчанын сыртык көрүнүшү толук жаңыланды. Учурда ички жумуштары жасалууда. Долбоордун аткарылышы Курулуш, архитектура жана турак жай-коммуналдык чарба министрлигинин көзөмөлүндө.
Бала бакча 1980-жылы курулган. Андан бери капиталдык ондоп-түзөөдөн өткөн эмес.
