Коом

Тамак-аш азыктарынын сапаты текшерилди

Сапар Акунбеков

18 мая 2026 09:44

Ош шаарында Ветеринардык жана фитосанитардык көзөмөл кызматынын инспекторлору шаардык Ветеринардык башкармалык менен биргеликте тамак-аш азыктарынын сапатын жана коопсуздугун көзөмөлдөө боюнча мамлекеттик мониторинг жүргүздү. Бул тууралуу аталган кызматтын басма сөз кызматы кабарлады.

Маалыматка ылайык, мониторингдин жүрүшүндө сүт жана сүт азыктарынын сапаты текшерилип, тиешелүү лабораториялык жана санитардык талаптарга жооп берүүсүнө өзгөчө көңүл бурулду.

Текшерүүнүн жыйынтыгында талаптарга жооп бербеген 25 литр сүт аныкталып, санитардык-ветеринардык эрежелерге ылайык жок кылынды.

Бул иш-чара калктын саламаттыгын коргоо, сапатсыз жана кооптуу азык-түлүктөрдүн жайылышына бөгөт коюу, ошондой эле азык-түлүк коопсуздугун камсыздоо максатында жүргүзүлүүдө.

Тиешелүү кызматтар азык-түлүк сатуу жайларында жана өндүрүш объектилеринде көзөмөл иштерин мындан ары да улантарын билдирет.

Мындан тышкары окуңуз

Манас шаарында өтмөк жолдор жана көпүрөлөр сырдалып жатат

Манас шаарында өтмөк жолдор жана көпүрөлөр сырдалып жатат

Манас шаарындагы жөө жүргүнчүлөр өтүүчү өтмөк жолдор жана көпүрөлөр тазаланып, сырдалууда. Бул тууралуу калаа мэриясынын басма сөз кызматы билдирди. Маалыматка ылайык, иштер шаардын сырткы көрүнүшүн жакшыртуу, тазалыкты камсыз кылуу жана жарандар үчүн коопсуз, ыңгайлуу шарттарды түзүү максатында аткарылууда. Аталган иштерди Манас шаардык көрктөндүрүү жана жашылдандыруу ишканасынын кызматкерлери жүргүзүүдө. Жергиликтүү бийлик

Чоң-Кемин суусу көтөрүлүп, Кемин – Шабдан жолун суу каптады

Чоң-Кемин суусу көтөрүлүп, Кемин – Шабдан жолун суу каптады

Чоң-Кемин суусунун деңгээлинин көтөрүлүшүнөн улам Кемин – Шабдан – Көк-Ойрок унаа жолунун 3-чакырымындагы жол жээги жуулуп кеткен. Транспорт жана коммуникациялар министрлигинин маалымат кызматынын айтымында, учурда министрликке караштуу №32 Жол эксплуатациялоо мекемеси тарабынан суунун нугун буруу жана селден жабыркаган тилкени калыбына келтирүү иштери жүргүзүлүүдө. Аталган иштерге 2 жүктөгүч жана 1

Бишкек – Нарын –Торугарт жолуна түшкөн таштар тазаланууда

Бишкек – Нарын –Торугарт жолуна түшкөн таштар тазаланууда

Бишкек – Нарын –Торугарт унаа жолунун 214 – 270-чакырым аралыгында жана Көк-Мойнок – Кубакы унаа жолунун 26-чакырымына чейинки тилкеде жолго түшкөн таштарды тазалоо жана катуу жаандан кийинки кесепеттерди жоюу иштери жүрүүдө. Транспорт жана коммуникациялар министрлигинин маалыматына ылайык, жолдорду тазалоо иштери №955 Жол эксплуатациялоо мекемесинин кызматкерлери тарабынан аткарылууда. Учурда аталган унаа

Кыргызстан менен Германия калкты иш менен камсыздоону талкуулашты

Кыргызстан менен Германия калкты иш менен камсыздоону талкуулашты

2-июлда Эмгек, социалдык камсыздоо жана миграция министринин биринчи орун басары Камчыбек Досматов Германиянын Мекленбург – Алдыңкы Померания федералдык жеринин Экономика, инфраструктура, туризм жана эмгек министрлигинин статс-катчысы Йохен Шульте менен жолугушту. Министрликтин басма сөз кызматы билдиргендей, жолугушууда тараптар эмгек рыногундагы мамлекеттик саясаттын негизги багыттарын, ошондой эле эмгек миграциясы жаатындагы эл