Реабилитациялоо борборлорун салыктан бошотуу демилгеленди
Мүмкүнчүлүгү чектелген жана өзгөчө муктаждыктары бар балдарды окутуу жана реабилитациялоо борборлору чоң чыгымдарды талап кылышса да, 4% салык төлөшүүдө. Бул тууралуу депутат Илимбек Кубанычбеков Жогорку Кеңештин жыйынында билдирди.
“Мүмкүн, министрлер кабинети салык саясатын кайра карап чыгышы керек же мындай борборлорду салыктан бошотушу керек, - деди депутат.
Ал белгилегендей, көптөгөн үй-бүлөлөр балдарынын билим алуусу жана өсүп-өнүгүүсү үчүн ири суммадагы каражатты коротушат жана азыркы салыктар мындай борборлордогу кызматтардын баасына дагы таасирин тийгизет.
