Россияда эмгектенген 18 кыргыз жаранынын эмгек акылары өндүрүлүп берилди
Кыргызстандын Эмгек, социалдык камсыздоо жана миграция министрлигинин Россиядагы Өкүлчүлүгү 18 кыргыз жаранына эмгек акы боюнча карыздарын алууга жардам берди. Бул тууралуу КРнын аталган министрликтин басма сөз кызматынан маалымдашты.
Билдирүүгө караганда, эмгек министрлигинин РФгы Өкүлчүлүгү Россиянын аймагында эмгек ишмердүүлүгүн жүргүзүп жаткан КРнын жарандарынын эмгек укуктарын жана мыйзамдуу кызыкчылыктарын коргоо боюнча ишин улантып жатышат.
Ушуга ылайык, жүргүзүлгөн иштердин жыйынтыгында Өкүлчүлүк Кыргыз Республикасынын 18 жаранына Россиянын «Приоритет» ЖЧКсынан эмгек акы боюнча топтолгон карыздарын өндүрүп алууга көмөк көрсөткөн.
Министрликтин маалыматына караганда, өндүрүлүп берилген каражаттардын жалпы суммасы 1 648 300 рублди түздү.
