Бишкек — Балыкчы жүргүнчү поезди каттай баштады

Кыргыз темир жолу бүгүнтөн тарта Бишкек-2 — Балыкчы багыты боюнча жүргүнчү поезди кайрадан каттай баштаганын билдирди.

Маалыматка ылайык, поезддин жүрүшү жайкы эс алуу мезгилинде жарандарга жана өлкө конокторуна Ысык-Көлгө ыңгайлуу жана коопсуз жетүүгө шарт түзөт.

Каттамдын иш тартиби:

5-июндан 21-июнга чейин поезд жума, ишемби жана жекшемби күндөрү жүрөт;

26-июндан 13-сентябрга чейин каттам күн сайын жүргүзүлөт.

Поезддин курамында 16га чейин вагон каралган. Анын ичинде кадимки облустар аралык вагондор, “люкс” класстагы вагондор, VIP-вагондор жана VIP-купелер бар.

Билет баалары:

Облустар аралык вагондордо жол кире:

• накталай төлөмдө — 180 сом;
• накталай эмес төлөмдө — 150 сом.

5 жаштан 10 жашка чейинки балдар үчүн:

• накталай төлөмдө — 90 сом;
• накталай эмес төлөмдө — 73 сом.

“Люкс” вагондорунда:

• чоңдор үчүн — 600 сом (накталай) жана 500 сом (карта аркылуу);
• балдар үчүн — 300 сом жана 250 сом.

VIP-вагондордо:

• чоңдор үчүн — 1000 сом же 800 сом;
• балдар үчүн — 500 сом же 400 сом.

Поезд каттамы сентябрдын ортосуна чейин уланары айтылды.