Ноокаттагы бала бакчанын жер титирөөгө туруктуулугу текшерилди

Жер титирөөгө туруктуу курулуш жана инженердик долбоорлоо мамлекеттик институтунун Түштүк башкармалыгы Ноокат районунун Көк-Жар айылындагы бала бакчага инженердик-техникалык текшерүү жүргүздү.

Маалыматка ылайык, текшерүүнүн максаты - Көк-Жар айылындагы мектепке чейинки билим берүү мекемесинин эски имаратынын учурдагы техникалык жана сейсмикалык абалын аныктоо.

Адистер имараттын долбоордук документтерин тыкыр изилдеп, курулуш сапатынын ишенимдүүлүгүн баалоо үчүн тиешелүү өлчөө иштерин жүргүздү.

Текшерүүнүн жыйынтыгында мекеменин техникалык абалы боюнча корутунду даярдалып, аларды мындан ары пайдалануу боюнча сунуштар иштелип чыгат.