Бүгүн Бишкектин басымдуу бөлүгү 1 саатка жарыксыз калды
Бүгүн Бишкек шаарында 110 кВ чыңалуудагы электр берүүчү линияларда авариялык өчүрүү катталып, анын кесепетинен борбор калаанын керектөөчүлөрүнүн басымдуу бөлүгү электр жарыксыз калды.
Алдын ала маалыматтарга ылайык, авариядан улам шаардын керектөөчүлөрүнүн болжол менен 70 пайызы электр энергиясы менен камсыздоодон 1 сааттан ашык убакытка ажыраган.
Энергетика министрлигинин маалыматка ылайык, «Парковая» – «Ала-Арча» жогорку чыңалуудагы электр берүүчү линиясында авария катталган. Тактап айтканда, №23 жана №24 тирөөчтөрдүн ортосунда жүк ташуучу «Хово» үлгүсүндөгү унаа аба аркылуу өткөн электр чубалгыларына зыян келтирген.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди Ишкер MEDIA сайтынын Telegram, Facebook, Instagram, Threads жана Х каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
