Бонндо глобалдык климат боюнча сүйлөшүүлөр башталды
Германиянын Бонн шаарында БУУнун Климаттын өзгөрүшү боюнча алкактык конвенциясынын көмөкчү органдарынын 64-сессиясы башталды. Иш-чарага дүйнөнүн 190 өлкөсүнөн келген делегаттар катышууда.
Сессиянын негизги максаты — климаттык чечимдерди талкуулоо жана Түркиянын Анталия шаарында өтө турган COP31 саммитине даярдык көрүү.
Кыргызстандын делегациясын Президенттин Тоо күн тартиби боюнча атайын өкүлү Динара Кемеловажетектөөдө.
Пленардык жыйында сүйлөгөн Динара Кемелова тоолуу мамлекеттер үчүн климаттык каржылоону, жаңы технологияларды жана эрте эскертүү системаларын кеңейтүүгө чакырды. Ал тоолуу аймактар суу коопсуздугу, азык-түлүк системасы жана биологиялык ар түрдүүлүк үчүн маанилүү экенин белгиледи.
Конференциянын алкагында мөңгүлөрдүн эриши жана криосферанын деградациясы боюнча да талкуулар өттү.
Эл аралык эксперттер климаттын өзгөрүшү улана берсе, Кыргызстандагы Абрамов мөңгүсү 2100-жылга чейин толук жоголуп кетиши мүмкүн экенин айтышты.
