Кыргызстандын санариптик демилгелери Азия-Тынч океан форумунда тааныштырылды
Экономика жана коммерция министринин орун басары Султан Ахматов 9-июнда Бангкок шаарында өткөн APTFF x PTW 2026 форумуна катышты.
Форумдун алкагындагы жогорку деңгээлдеги панелдик талкууда ал Кыргызстандагы сооданы санариптештирүү жана мамлекеттик башкарууну жакшыртуу боюнча жүргүзүлүп жаткан иштер тууралуу сөз кылды. Өзгөчө мамлекеттик органдар ортосундагы маалымат алмашууну камсыз кылган “Түндүк” системасынын мааниси белгиленди.
Мындан тышкары, деңизге түз чыга албаган өлкөлөр үчүн аймактык кызматташтыктын, кагазсыз сооданын жана Кытай–Кыргызстан–Өзбекстан темир жолунун мааниси айтылды.
Форумдун жүрүшүндө Султан Ахматов Таиланддын Санариптик экономика жана коом министри Чайчанок Чидчоб менен жолугушуп, санариптештирүү жана чек ара аралык электрондук кызматташтык маселелерин талкуулады.
