Шаарларды өнүктүрүүгө багытталган долбоорлор даярдалат
Экономика жана коммерция министрлиги Жусуп Абдрахманов атындагы Мамлекеттик башкаруу академиясы жана БУУнун өнүктүрүү программасы менен биргеликте өсүүнүн таяныч борборлорун өнүктүрүү боюнча мастер-пландоо багытында кадрларды даярдоону баштады.
Маалыматка ылайык, “Өнүктүрүүнү башкаруу: Өсүүнүн таяныч борборунун мастер-планын даярдоо” аттуу окуу курсуна Манас, Нарын, Өзгөн, Ош, Кант, Баткен жана Каракол шаарларынын мэрия өкүлдөрү катышууда.
Курс жергиликтүү өз алдынча башкаруу органдарына мастер-пландарды иштеп чыгуу боюнча квалификацияны жогорулатуу жана консультациялык жардам көрсөтүү максатында уюштурулган.
Маалыматка ылайык, катышуучулар өсүүнүн таяныч борборлорун өнүктүрүү боюнча мастер-пландарды түзүүнүн заманбап ыкмаларын өздөштүрүшөт. Окутуунун жыйынтыгында шаарларды өнүктүрүүгө багытталган алгачкы мастер-план долбоорлору даярдалат.
