Яндекс Кыргызстан Top Employer 2026 макамына татыды
Top Employers Institute тандоосун ылайык, Яндекс Кыргызстан 2026-жылы өлкөдөгү эң мыкты иш берүүчүлөрдүн бири деп табылды. Бул компания персонал менен иш алып баруу жана алардын кесиптик өнүгүүсү жаатында жогорку деңгээлин тастыктап, эл аралык Top Employer 2026 сертификатына ээ болду.
Top Employers Institute дүйнөнүн 131 өлкөсүндө иштейт жана компанияларды персонал менен иш алып баруу, эмгек чөйрөсү, таланттарды тартуу, кызматкерлерди окутуу жана өнүктүрүү, ар түрдүүлүк, мүмкүнчүлүктөрдүн теңдиги, ошондой эле кызматкерлердин жыргалчылыгын камсыздоо боюнча жүргүзүлгөн изилдөөлөрдүн жыйынтыгына жараша сертификациялайт.
“Технологиялык компаниялардын баардыгынын башкы байлыгы, бул - эл. Top Employer сертификатын алып жатканыбыз - биздин кызматкерлердин кесиптик жактан өсүшүнө, жаңы идеяларды сунуштоосуна жана күн сайын миллиондогон адамдар колдонгон технологияларды түзүүгө катышуусуна мүмкүндүк берген чөйрөнү калыптандырып жатканыбызды тастыктап жатат. Биз таланттарды өнүктүрүүгө инвестиция салууну жана Кыргызстандагы технологиялык коомчулуктун өнүгүшүнө салым кошууну уланта беребиз” - деп белгиледи, Яндекс Кыргызстандын башкы директору Тилек Сулайманов.
Сертификат алган компаниялар мыкты иш берүүчүлөрдүн глобалдык коомчулугу менен кызматташуу мүмкүнчүлүгүнө ээ болушат. Ошондой эле алар персонал менен иштөөнүн алдыңкы тажрыйбалары боюнча аналитикалык маалыматтарга жана эксперттик баалоолорго жете алышат.
"Top Employer 2026 улуттук сертификатын алуу Яндекс Кыргызстандын туруктуу бизнес натыйжаларын камсыз кыла турган эң сонун жумуш чөйрөсүн түзүүгө болгон умтулуусун чагылдырат. Биз бул компанияны өлкөнүн эмгек маданиятын жакшыртууга кошкон салымы үчүн белгилеп жатканыбызга кубанычтабыз" - деп белгиледи, Top Employers Institute уюмунун башкы директору Адриан Селигман.
Яндекс Кыргызстан (Yango Group курамында) – тездик менен өнүгүп келе жаткан технологиялык компания. Ал шаардык мобилдүүлүк, көңүл ачуу кызматы жана бизнес үчүн инструменттерди, анын ичинде ЖИ жаатында кеңири спектрдеги санариптик кызматтарды көрсөтөт. Компания Кыргызстандагы күнүмдүк жашоо жана бизнес үчүн ыңгайлуураак чөйрөнү түзүүгө жардам берет.
