Министрлик: жол боюндагы мыйзамсыз курулуштар буздурулат

Министрлик: жол боюндагы мыйзамсыз курулуштар буздурулат

Транспорт жана коммуникациялар министрлиги автоунаа жолдорунун бөлүнгөн тилкелеринде жана жол боюндагы коргоо тилкелеринде мыйзамсыз курулуштарды жайгаштырууга жол берилбей турганын билдирди.

Мекеменин маалыматына ылайык, "Автомобиль жолдору жөнүндө" мыйзамына ылайык, жол тилкелеринин туурасы алардын техникалык категориясына жараша аныкталат. Тактап айтканда, I–V категориядагы автоунаа жолдору үчүн бул көрсөткүч 32 метрден 12 метрге чейин белгиленген.

Ошондой эле жол жээктериндеги коргоо тилкелери жол кыймылынын коопсуздугун камсыз кылуу жана жол инфраструктурасын өнүктүрүү максатында өзгөчө тартипте корголот.

Министрлик белгилегендей, аталган аймактарда жол кыймылынын коопсуздугуна жана жол тейлөөсүнө байланышкан жайларга гана жайгаштырууга уруксат берилет. Алардын катарына аялдамалар, унаа токтотуучу жайлар, эс алуу аянтчалары жана башка жол кызматынын объекттери кирет.

Ал эми мыйзам талаптарын бузуу менен курулган объекттер мыйзамсыз деп табылып, аларды бузуу иштери жүргүзүлөт. Мындай учурда бардык чыгымдар мыйзам бузган тараптын эсебинен өндүрүлөт.

Транспорт жана коммуникациялар министрлиги жарандарды жана юридикалык жактарды автоунаа жолдорунун жерлерин пайдаланууда мыйзам талаптарын так сактоого чакырды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Бишкекте саркынды сууларды тазалоочу жайдын 50 гектар аянты жаңыланууда

Ошто педиатрия боюнча эл аралык конференция өттү

Өлкө аймагында 3 баллга жакын жер титирөө катталды

Бишкекте 35 миң көрүүчүгө ылайыкталган Улуттук ат спорту комплексинин курулушу башталды

Гоголь көчөсүнүн 1,5 чакырымын реконструкциялоо иштери аяктады