Ош шаарындагы Алымбек Датка көчөсү убактылуу жабылат
Жол оңдоо иштерине байланыштуу Алымбек Датка көчөсү, А. Навои көчөсүнөн Мамажан көчөсүнө чейинки бөлүгү 11-июндан 12-июнга караган түнү саат 00:00дөн тартып унаа кыймылы үчүн убактылуу жабылат.
Ош шаардык мэриясынын маалыматына ылайык, бул аралыктагы унаа агымын жөнгө салуу максатында Курманжан Датка көчөсү убактылуу эки багытта, эки тилкелүү кыймыл үчүн пайдаланылат.
Эскерте кетсек, Курманжан Датка көчөсүнө орнотулган көзөмөл камералары каршы тилкеге чыкан унааларды каттабайт. Бирок алар коопсуздук курун тагынбоо, светофордун кызыл түсүнө өтүү жана жөө адамдар өтүүчү тилкеге байланышкан жол эрежелеринин бузулуштарын аныктап, каттайт.
Ош шаардык мэриясы убактылуу ыңгайсыздыктарды туура кабыл алуу менен багытыңыздар боюнча алдын-ала пландап алууңуздарды суранат.
