Коом

Таластагы "Түлөбердиев" көмөк чордону жаңыланууда

Уулжан Бейшенбекова

Таластагы "Түлөбердиев" көмөк чордону жаңыланууда

Талас облусундагы 500/220/10 кВ "Түлөбердиев" көмөк чордонунда электр тармактарынын ишенимдүүлүгүн жогорулатууга багытталган жаңылоо иштери жүрүүдө.

Энергетика министрлигинин маалыматына ылайык, долбоор Талас электр тармактар ишканасынын Релелик коргоо жана автоматика кызматы тарабынан ишке ашырылып жатат.

Анын алкагында №509-559 500 кВ аба чубалгысына заманбап микропроцессордук релелик коргоо жана автоматика терминалдарын орнотуу жана туташтыруу иштери жүргүзүлүүдө.

Учурда жаңы релелик коргоо түзүлүштөрүн пайдаланууга берүү алдында сыноо жана жөндөө иштери аткарылууда.

Адистердин айтымында, жаңы жабдуулар электр тармагындагы авариялык кырдаалдарды ыкчам аныктоого, жабдууларды ишенимдүү коргоого жана электр энергиясын үзгүлтүксүз жеткирүүгө шарт түзөт.

Мындан тышкары, каршы автоматика системалары боюнча Талас ГЭСи жана "Фрунзенский" көмөк чордонунун багыттарында белгилерди өткөрүү жана өз ара аракеттенүүнү камсыздоо боюнча жөндөө иштери жүргүзүлүүдө.

Министрлик белгилегендей, бул долбоор электр тармактарынын туруктуулугун жана ишенимдүүлүгүн арттырып, авариялык тобокелдиктерди азайтууга жана керектөөчүлөрдү сапаттуу электр энергиясы менен камсыз кылууга багытталган.

Жаңылыктар биздин Телеграмм каналда

Мындан тышкары окуңуз

Нарында 100 орундуу төрөт үйү курулууда

Нарында 100 орундуу төрөт үйү курулууда

Курулуш министрлиги тарабынан Нарын шаарында 100 орундуу төрөт үйү курулууда. Долбоор республикалык бюджеттин эсебинен каржыланып, объекттин курулушу 2025-жылдын декабрь айында башталган. Бул тууралуу аталган министрликтин маалымат кызматы билдирди. Башкы планга ылайык, жалпы аянты 3129 чарчы метрди түзгөн үч кабаттуу имарат салынат. Анда заманбап талаптарга жооп берген палаталар керектүү медициналык
Манас – Багыш жолу курулууда

Манас – Багыш жолу курулууда

Манас шаарынан Багыш айылына чейин жаңы унаа жолу салынууда. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, учурда асфальт басууга даярдык көрүлүүдө. Жаңы унаа жол мурдагы эски темир жолдун ордуна салынууда. Узундугу – 12.5 чакырымды түзүп, 4-6 тилкелүү болот.  Курулуш иштеринин жүрүшүндө 1-этаптагы маанилүү жумуштар
Түндүк – Түштүк жолу таштардан тазаланууда

Түндүк – Түштүк жолу таштардан тазаланууда

Транспорт инфраструктурасын жакшыртуу жана унаа жолдорунун коопсуздугун камсыз кылуу максатында №18 Жол тейлөө мекемеси тарабынан Түндүк – Түштүк альтернативдик унаа жолунда бир катар оңдоо жана калыбына келтирүү иштери жүргүзүлүүдө. Транспорт жана коммуникациялар министрлигинин маалымат кызматынын айтымына караганда, аталган унаа жолунун 243-296-чакырым аралыгында тоо бетинен кулап түшкөн таш көчкүлөрдү тазалоо
Өлкө боюнча электромобилдер үчүн жаңы станциялар орнотулууда

Өлкө боюнча электромобилдер үчүн жаңы станциялар орнотулууда

«Кыргызстан улуттук электр тармагы» ААК өлкө боюнча электромобилдерди кубаттоочу станцияларды орнотуу иштерин улантууда. Долбоор Энергетика министрлигинин тапшырмасынын негизинде ишке ашырылууда. Маалыматка ылайык, учурда Чүй, Нарын, Ысык-Көл жана Талас облустарында жалпысынан 30 даана кубаттоочу станция пайдаланууга берилди. Нарын облусу – 8 даана; Чүй облусу – 14 даана; Ысык-Көл облусу – 6 даана;