Жалал-Абадда 12 кабаттуу турак үйдүн бетону текшерилди
Манас шаарында 12 кабаттуу турак үйдүн курулушунда колдонулган бетондун сапаты жана бекемдиги текшерилди. Бул тууралуу Курулуш министрлигинин басма сөз кызматы билдирди.
Маалыматка ылайык, Курулушта сертификаттоонун республикалык борборунун адистери Ж. Абдрахманов көчөсүндө жайгашкан имаратта тиешелүү сыноо иштерин жүргүзүштү.
Текшерүүдө бетондун иш жүзүндөгү бекемдиги аныкталып, анын ченемдик-техникалык документтерде белгиленген талаптарга шайкештиги бааланды. Адистер алынган көрсөткүчтөрдүн курулуш нормаларына ылайыктуулугун текшеришти.
Министрликтен белгилешкендей, курулуш материалдарынын сапатын көзөмөлдөө курулуш иштеринин негизги баскычтарынын бири болуп саналат. Мындай текшерүүлөр колдонулуп жаткан материалдардын сапатын тастыктап, курулуш объектилеринин ишенимдүүлүгүн, коопсуздугун жана узак мөөнөт пайдаланылышын камсыздоого көмөк көрсөтөт.
