Мектепте ата-энелерден 1 млн сомдон ашык акча чогултулган
Бишкек шаарынын прокуратурасы тарабынан баш калаада жайгашкан №24 мектебинин жооптуу кызматкерлери тарабынан окуучулардын ата-энелеринен мектепти оңдоп-түзөөдөн өткөрүү үчүн мыйзамсыз акча каражаты чогултулган.
Башкы прокуратрунанын маалыматына ылайык, жалпы чогултулган акчанын суммасы 1 131 450 сомду түзгөн. Акча каражаттардын бир бөлүгү билим берүү мекемесинин кызматкеринин жашаган жеринде сакталгандыгы аныкталды.
Аталган факты боюнча Кылмыш-жаза кодексинин 337-беренеси (кызмат абалын кыянаттык менен пайдалануу) менен кылмыш иши козголуп, учурда тергөө амалдары жүргүзүлүүдө.
