Сумсар – Шакафтар жолунда селдин калдыктары тазаланууда
Жалал-Абад облусунун Чаткал районундагы Сумсар–Шакафтар унаа жолунда селдин кесепеттерин жоюу иштери жүргүзүлүүдө.
Транспорт жана коммуникациялар министрлигинин маалымат кызматынын айтымына караганда, жеринде №17 Жол тейлөө мекемеси тарабынан ыкчам чаралар көрүлүп, атайын техникалар тартылган.
Учурда жолдун жээктерин тазалоо боюнча иштер аткарылууда. Азыркы тапта аталган унаа жолдо абал туруктуу, каттам бар.
11-июнда саат 18:00-19:00 чамасында жааган нөшөрлүү жамгырдын кесепетинен Шекафтар – Сумсар унаа жолунун 8-10-чакырым аралыгында сел жүрүп, жолдун жээгин жууп кеткен. Мындан тышкары, суу өткөрүүчү түтүккө зыян келтирилген.
