Талас шаарында борбордук аллея курулууда
Курулуш, архитектура жана турак жай-коммуналдык чарба министри Нурдан Орунтаев Талас облусуна болгон иш сапарынын алкагында Талас шаарында курулуп жаткан К.Нуржанов атындагы борбордук аллеянын курулуш иштеринин жүрүшү менен таанышты. Бул тууралуу аталган министрликтен маалымдашты.
Маалыматка ылайык, аталган долбоор шаарды көрктөндүрүүгө, тургундар үчүн ыңгайлуу жана заманбап эс алуу шарттарын түзүүгө багытталган. Учурда курулуш иштери белгиленген графикке ылайык жигердүүжүргүзүлүүдө.
Долбоорго ылайык, аллея аймагында жарандар үчүн эс алуу аймактары, соода түйүндөрү, гүлдөрдүн галереялары, отургучтар, жөө жүрүүчүлөр үчүн ыңгайлуу жолдор, ошондой эле эне жана бала үчүн атайын бөлмөлөр каралган. Мындан тышкары, аймакты жарыктандыруу, көрктөндүрүү жана жашылдандыруу иштери да комплекстүү түрдө ишке ашырылат.
