Жакырчылыкты азайтуу боюнча программа иштелип чыгат
11-июнда Эмгек, социалдык камсыздоо жана миграция министрлигинде 2030-жылга чейин Кыргызстанда жакырчылыкты азайтуу программасын иштеп чыгуу боюнча мекемелер аралык жумушчу топтун биринчи отуруму болуп өттү.
Министрликтин маалыматына караганда, жыйынды Эмгек, социалдык камсыздоо жана миграция министринин биринчи орун басары Камчыбек Досматов алып барды.
Мекемелер аралык жумушчу топтун курамына экономика, иш менен камсыз кылуу, билим берүү, айыл чарба, социалдык коргоо жана аймактарды өнүктүрүү боюнча жооптуу мамлекеттик органдардын өкүлдөрү кирди.
Жолугушуунун катышуучулары мамлекеттин жакырчылыкты кыскартуу, эмгек рыногун өнүктүрүү, иш менен камсыз кылууну жогорулатуу жана жарандардын бакубаттуулугун жогорулатуу боюнча аракеттерин бирдиктүү системага келтирүүгө багытталган жаңы программаны иштеп чыгуунун негизги ыкмаларын талкуулашты.
Учурда өлкөдө жакырчылыкты азайтуу боюнча иш-чараларды камтыган бир катар стратегиялык документтер жана мамлекеттик программалар ишке ашырылып жатканы белгилүү.
Иштелип жаткан документ иш менен камсыз кылууну жогорулатууга, адамдык капиталды өнүктүрүүгө, кирешенин туруктуу өсүшүн камсыз кылууга багытталган мамлекеттик колдоонун чараларын жана механизмдерин айкалыштырган бирдиктүү стратегиялык документ болуп калат.
