Коом

Соң-Көлдөн 8000 метр мыйзамсыз балык уулоочу тор табылды

Уулжан Бейшенбекова

15 июня 2026 11:32

Соң-Көл көлүндө экологиялык абалды жакшыртуу жана балык ресурстарын сактоо максатында ири рейддик иш-чара өткөрүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен маалымдашты.

Иш-чара Соң-Көл балык чарбасы мамлекеттик ишканасынын кызматкерлери тарабынан Ак-Талаа жана Жумгал райондорунун милиция кызматкерлери менен биргеликте уюштурулду.

Рейддин жүрүшүндө Соң-Көл көлү акваториясында мыйзамсыз коюлган синтетикалык балык уулоочу торлор аныкталып, жалпы узундугу 8000 метрди түзгөн торлор суудан чыгарылды.

Расмий маалыматка ылайык, жүргүзүлгөн иштер көлдүн экологиялык абалын жакшыртууга, биологиялык ресурстарды коргоого жана мелиоративдик абалын калыбына келтирүүгө багытталган.

Учурда Соң-Көлдө мыйзамсыз балык уулоочу шаймандарды тазалоо жана экологиялык абалды жакшыртуу боюнча иштер улантылууда.

Мындан тышкары окуңуз

Таласта мыйзамсыз иштеген май куюучу жайга 200 миң сом айып салынды

Таласта мыйзамсыз иштеген май куюучу жайга 200 миң сом айып салынды

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Талас региондук башкармалыгы аймактагы курулуш объектилерин көзөмөлдөө иштерин улантууда. Ведомстводон билдиришкендей, жергиликтүү тургундардын арызынын негизинде Талас районуна караштуу Чыңгыз Айтматов көчөсүндөгү №388 жана №392 даректерде жайгашкан “Сардалбек” жана “Партнер Нефть” май куюучу жайларында пландан тышкары текшерүү

Бишкекте аткаминерге пара алуу боюнча кылмыш иши козголду

Бишкекте аткаминерге пара алуу боюнча кылмыш иши козголду

Бишкек шаарында Свердлов райондук муниципалдык администрациясынын кызматкерине карата кылмыш иши козголду. Бул тууралуу Башкы прокуратурадан билдиришти. Маалыматка ылайык, шаар прокуратурасы тарабынан жарандардын кайрылууларынын негизинде текшерүү жүргүзүлгөн. Текшерүүнүн жүрүшүндө кызматкер К.Ы.М. жеке ишкерден кызматтык абалын кыянаттык менен пайдаланып, системалуу түрдө акча алып жүргөн. Натыйжада жеке ишкерден мыйзамсыз жалпы 195

Өлкөнүн ички дүң жыйымы 12,2%га өстү

Өлкөнүн ички дүң жыйымы 12,2%га өстү

2026-жылдын январь–май айларынын жыйынтыгы боюнча Кыргызстандын ички дүң өнүмүнүн (ИДП) көлөмү 781 миллиард 61,4 миллион сомду түздү. Бул тууралуу Улуттук статистика комитети билдирди. Маалыматка ылайык, бул көрсөткүч 2025-жылдын ушул мезгилине салыштырмалуу 12,2%га өскөн. Ал эми апрель айынын жыйынтыгы боюнча өсүш 12,4%ды түзгөн.

Франциялык компания Манас шаарына асма жол курууну сунуштады

Франциялык компания Манас шаарына асма жол курууну сунуштады

Франциялык компания Манас шаарына асма жол куруу долбоорун сунуштады. Бул тууралуу калаа мэриясынан билдиришти. Маалыматка ылайык, шаар мэри Абдупата Маткаликов француздук компаниянын Борбор Азия жана Батыш Балкан аймагындагы коммерциялык директору Орхан Ширин баштаган делегацияны кабыл алып, тараптар инвестициялык долбоорлорду талкуулашты. Жолугушууда асма жол куруу демилгеси расмий түрдө сунушталып, ал ишке