Жеңил өнөр жай тармагына 6,7 млрд сом инвестиция тартылды
Министрлер кабинетинин төрагасы Адылбек Касымалиев жеңил өнөр жай тармагынын кызматкерлерин кесиптик майрамы менен куттуктоосунда акыркы эки жылда тармакка 6,7 миллиард сом инвестиция тартылганын билдирди.
Анын айтымында, 2024–2025-жылдары "100 өнөр жай ишканасы" долбоорунун алкагында 23 жеңил өнөр жай ишканасы пайдаланууга берилген.
"Натыйжада 3971 жаңы жумуш орду түзүлдү. Жалпы инвестициялардын көлөмү 6,7 миллиард сомго жетти", — деп белгилеген Адылбек Касымалиев.
Өкмөт башчысы жеңил өнөр жай өлкөнүн экономикасында маанилүү орунду ээлеп, өндүрүштү өнүктүрүүгө, экспортту көбөйтүүгө жана жаңы жумуш орундарын түзүүгө олуттуу салым кошуп жатканын кошумчалады.
