Блогерлердин салыктан бошотулушу боюнча түшүндүрмө берилди
Мамлекеттик салык кызматынын төрагасы Алмамбет Шыкмаматов Президенттин блогердерди салыктан бошотуу чечими боюнча түшүндүрмө берди.
Анын айтымында, бул чечим бүгүнкү блогерлер же контент жаратуучуларды колдоо. Келечекте чоң медиакомпанияларга, IT-бизнеске жана креативдүү индустрияга айлана турган долбоорлорду колдоо максатын көздөйт.
Ошондой эле, ал мамлекет жаратмандарга салыктык басымды азайтуу аркылуу алардын өсүп-өнүгүшүнө шарт түзүүнү каалайт. Бул кадам жаңы компаниялардын, жумуш орундарынын жана келечектеги экономиканын калыптанышына инвестиция катары каралып жатканын айтты.
“Жылдар бою биз: “Адегенде салык төлө, анан өнүк” деген принцип менен жашап келдик, эми болсо “Адегенде өс, анан ири салык төлөөчү бол” деген жаңы модель сунуштап жатабыз ”, - деди Шыкмаматов.
