Казакстандан алынып келинген 23,8 тонна күрүч артка кайтарылды
“Чалдыбар автожолу” фитосанитардык текшерүү постунда Казакстандан импорттолуп кирген 23800 кг күрүч фитосанитардык көзөмөлдөө учурунда продукциянын таңгагында маркировка жок экендиги аныкталган. Мындан улам ташылып келе жаткан күрүч кайра артка кайтарылган. Бул тууралуу Айыл чарба министрлигинин басма сөз кызматы билдирди.
Маалыматка ылайык, Евразия экономикалык комиссиясынын Кеңешинин чечимине ылайык, карантинге алынган продукциянын ар бир таңгагында продукциянын аталышы, чыгарылган өлкө, экспорттоочу өлкө жанареэкспортер өлкө жөнүндө маалыматтарды камтыган маркировкасы болушу керек.
Карантин алдындагы жүктү маркировкасыз алып кирүү Евразия экономикалык биримдигинин бирдиктүү карантиндик фитосанитардык талаптарын бузуу болуп саналат, ошого байланыштуу бул жүк импортер өлкөгө кайра кайтарылган.
