“Кыргыз спутниктин” аты “Кыргыз асман” деп өзгөртүлдү
Министрлер Кабинети “Кыргыз спутник” ачык акционердик коомунун аталышын өзгөртүп, аны “Кыргыз асман” деп атоо чечимин кабыл алды.
Президенттик админстрациянын маалыматтык саясат бөлүмүнүн айтымына караганда, компания 2026-жылдын февраль айында түзүлүп, Кыргызстандагы космостук технологияларды өнүктүрүү боюнча мамлекеттик оператор катары иш алып баруусу пландалган.
Анын негизги милдеттерине спутниктик сүрөттөрдү иштетүү, айыл чарба жерлерине мониторинг жүргүзүү, климаттык өзгөрүүлөрдү көзөмөлдөө, суу ресурстарын башкаруу жана өзгөчө кырдаалдардын алдын алуу кирет.
Жаңы токтомго ылайык, тиешелүү мамлекеттик органдар компанияны жаңы аталыш менен кайра каттоодон өткөрүшөт.
Белгилей кетсек, “Кыргыз асмандын” акциялары толугу менен мамлекетке таандык.
